周國賢（Endy）生於鮑魚之家，父母在港島區開海味店，身為歌手及太子爺的他為宣傳家族代理的新品牌，實行將鮑魚與音樂Crossover，在聖誕節親自製作了一段長達兩分鐘的鮑魚廣告歌，除有可愛動畫外，還出動七歲大的愛女Clara獻唱主題曲，大搞噱頭，Endy說：「我喺日本留學時攻讀多媒體課程，識廣告設計，咁屋企要宣傳罐頭鮑魚，我咪度橋做宣傳囉！因為唔想喺電視、平面賣廣告咁昂貴，咪上載YouTube任人睇。」雖然宣傳片屬低成本製作，但反應奇佳，令Endy相當有滿足感，他終盡顯所長，並為家族生意出一分力。

怕被女兒責怪

問到創作過程是否傷透腦筋，Endy牙擦地說：「梗係冇啦！簡直寓工作於娛樂呀！」但要囡囡錄音較困難，原來Clara不識講廣東話，只以英語及韓語與他們溝通，故要她一口氣唱完兩分鐘的廣東話歌，難度十足，Endy說：「我惟有逐隻字教佢唱，唱兩分鐘就錄咗成兩個鐘。」但效果理想，他正構思推出新年版鮑魚歌。

Endy表示暫時不會請囡囡做鮑魚代言人，而囡囡今次的獻唱酬勞只得玩具及與爸爸玩耍：「我搵佢都係貪免費咋！」他最擔心女兒懂性後會責怪他，他苦笑說：「囡囡嘅第一次竟然獻畀鮑魚。」