藝員江美儀、陳霽平與何基佑今個虎年可謂節目一大籮，近期忙於拍無綫劇集《女人最痛》的美儀，趁着新春幾日假期好好休息，年初一她會到清水灣湛山寺探望外婆，順道與親友吃齋宴，至於初二及初三？美儀笑說：「要好好休息一下，之前公私兩忙，趕住拍無綫劇又要搬屋，忙到暈，連我隻狗狗冬冬都冇時間理，佢唔開心到兩日冇食嘢呀！」問到搬屋的原因，美儀說：「我一直住開西貢，好鍾意，但我男友就對西貢嘅路好唔熟，佢話自己係車手，但入咗西貢住之後唔識路，我同佢講，賣咗西貢間屋至講啦！點知真係賣得出，仲幾好價添！所以就搬出去香港住！」

陳霽平將與男友到日本旅遊度新春。	何基佑及陳霽平新年各有各忙。	江美儀愛犬冬冬穿上虎年裝，跟大家拜年！

何基佑年卅晚見家長

陳霽平於農曆新年亦有不少節目，除了去見男友母親家拜年外，還會在年初四與男友及家姐到日本旅行，問到為何搵家姐做「電燈膽」？霽平笑說：「我男友先係電燈膽，原本呢次旅行係我同家姐去！不過今次係我同男友第一次旅行。（去男友屋企拜年？）會！（見男友媽咪緊張？）唔緊張，以前未拍拖都見過，佢媽咪好Nice。」

至於何基佑表示年卅晚會與女友及其母親吃飯，年初一則跟媽咪吃飯，並表示虎年會推出新書及灌錄唱片。