早前09年鋼管舞女新人謝依穎（Enya）接受《娛樂on Show》訪問，於06年開始學習跳鋼管舞的她，因在卡拉OK唱歌而被發掘，當經理人知道她識跳鋼管舞後，即時對她大感興趣，看完她的表演後立即找她試音，她說：「我好想將跳鋼管舞融入歌曲，又唱又跳真係幾特別！同埋我又好鍾意表演，希望可以邊跳邊唱咁帶畀觀眾新鮮感！」

主持人陳振安和俞詠文嚷着要學鋼管舞，還與謝依穎齊齊擺甫士，十分搞笑！

謝依穎示範「倒豎葱」，高難度非常！

曾遭家人反對

自學習跳鋼管舞後，Enya經常要拿着鋼管周圍走，早已視它為「男朋友」，但初時Enya的家人曾反對她學跳鋼管舞，她說：「因為佢哋見到我對腳瘀晒，但係後來我同佢哋解釋鋼管舞嘅起源之後，佢哋就開始明白，同埋我覺得跳鋼管舞都係一樣體操式嘅運動，好想可以將佢發揚光大，畀多啲人認識呢樣嘢！」

問到以前的男朋友會否介意她跳鋼管舞？Enya笑說：「佢哋都覺得性感，不過都驚有危險，因為要爬到好高，都唔係好贊成我跳。」Enya還即席表演跳鋼管舞，兩位主持人陳振安和俞詠文看得目瞪口呆，他們欣賞完後更要學埋一份，場面十分搞笑！