05/02/2010

播放本新聞相關短片

任賢齊澳門發新年財

任賢齊向《太陽報》讀者拜早年,祝大家虎虎生威!今個農曆新年,小齊選擇在澳門度過,包括賀歲、為囝囝慶祝生日及開騷賺錢,一舉三得,今個虎年對他來說可謂十分有意義!小齊說:「咁啱今年人日(20日)係囝囝生日,呢日自己又喺澳門開騷,所以會帶屋企人去澳門玩,感受吓葡國人嘅過年氣氛。(送乜禮物畀囝囝?)以前幫佢儲金幣,睇吓呢排金價點,如果平就買金條,幫佢儲定錢。」他表示儲金是任氏的家族傳統,雖然小時候屋企環境不是太好,但任媽媽都幫他儲了些金頸鏈及金鎖片,所以他一直有幫子女儲金幣,秉承家族傳統。

談到新年願望,小齊祝願世界和平、家人健康及事業順利,希望拍攝的電影有好成績,不枉自己一番努力!