女子組合Freeze最近頻頻返內地出騷搵真銀，問到是否被o靚模攻陷才被迫北上？成員甄穎珊說：「對我哋冇影響，但知道好多正規模特兒工作量真係大減，有o靚模為見報，收價錢好低，亦令模特兒質素下降。」提到模，Freeze表明態度，力斥部分模行為令人誤信賣弄身體可成名！同以「性感」殺出血路的Freeze，對於o靚模頻頻失守露Nude Bra及走乳貼，更為不屑，陳樂榣說：「我哋係組合，性感配合歌曲同形象，唔係咩場合都打開心口見人，有啲o靚模入行都一段時間啦！有足夠經驗，仲可以成個Nude Bra露晒出嚟，唔覺得肉酸嘅咩？」

石詠莉認為模少不免影響到社會風氣。	甄穎珊表示工作量不受影響。	陳樂榣認為其組合只是以性感配合歌曲，非「係又露唔係又露」！

Freeze直言o靚模定義變質，影響社會風氣，石詠莉說：「希望傳媒報道少啲，或者偏向報道番一啲o靚模為藝術所做嘅嘢，可以平衡番，令人知道咩先係正確方向！」

狠評男仔有「王子病」

另外，Freeze透過新歌《摩登伽女》以佛教故事描述現今男女關係，陳樂榣說：「依家好多人面對愛情都好兒戲，呢個故事正好令人反省！」她狠評現代男性患有「王子病」：「成日話『港女』有公主病，依家好多男人有『王子病』就真，遲到、婆媽、冇責任感，仲要脾氣差，比女仔更加女仔！」雖然3人仍是單身貴族，但她們卻不心急，石詠莉說：「我未識擔心，依家仲好細個，真係想以事業為先！」