視駕駛為樂趣的李彩華（Rain），早前駕駛其粉紅色開篷甲蟲車出巡行大運，並透露座駕在2年前以逾20萬元購入：「架車本身係米白色，但我好鍾意Baby Pink，所以去車行搵人噴色。」問到為何對粉紅色情有獨鍾，她說：「因為我覺得好舒服，而且又有少女童真。」她大讚座駕實用又有型，喜歡在秋、冬季往石澳及赤柱兜風。

愛車如命的Rain，閒時親自為「老公」洗白白。	Rain讚緋聞男友王傲山駕駛技術好，放心將「老公」交給他。資料圖片	Rain享受駕車兜風，大讚座駕有型又實用。

為媽咪做柴可夫

問到身為仁愛堂總理的緋聞男友王傲山有否坐過其座駕，Rain大方地說：「都有嘅，佢揸過部車。（技術如何？）佢手車都OK，唔會揸快車。」她還自言是穩陣派，閒時會客串「柴可夫」載媽咪上班及逛街。

不少男士當愛車是「老婆」，原來Rain亦視靚車為「老公」，她說：「粉紅色幾Luck我，對財源同人緣都有利，本身諗過噴紅色，但覺得太誇，好似的士，依家呢隻色好好，唔會太Over！」她每月更會花5位數字服侍「老公」，她說：「架車係我心頭好，用5數字都OK嘅！」