於97年奪無綫「最佳劇中女主角演繹獎」的關詠荷（Esther），一直將精神放在女兒身上，故拍罷《五味人生》的Esther宣布「停產」、努力生個小寶寶：「拍《同事三分親》嗰陣有日準備開工，個女仆親流血，我又夠鐘走，佢最需要我時，我竟然要走，好內疚！」最後她要求提早收工，幸得高層曾勵珍明白。Esther認為停工後，可以有更多時間參與女兒的學校活動。
對於家輝在影壇連番奪獎，Esther坦言曾重燃「恨獎的心」：「佢攞埋我份咪得囉！其實有啲心癢想再攞獎，團火都有一刻起咗，但好快熄，我知要畀時間耕耘先有收穫，冇貢獻冇獎，無可厚非！」
