祖兒昨日出席其代言的護膚品活動，對於Twins鐵定4月舉行兩場個唱，她說：「我已經報咗名做嘉賓，好耐冇同Twins一齊玩，佢哋以往嘅個唱好似嘉年華咁開心，雖然佢哋係Twins，不過我哋3個加埋就係龍虎豹！（咁你係咩？）我係龍，加上我新碟着嗰件旗袍裝，條龍非我莫屬！」她還期待跟Twins於紅館同台，並寄語她們放鬆心情。

Twins早前拍攝個唱海報期間，祖兒專誠探班，她感觸地說：「阿Sa（蔡卓妍）呢一、兩年獨立發展，個人大個咗好多！今次佢哋合體，我覺得佢哋真係絕配，感覺返晒嚟，好難得！」

送吻答謝粉絲

活動上，祖兒更宣布新出的EP Boxset已售罄，現正趕工加印，希望新年後推出，她一再強調若歌迷於農曆大年初一在街上遇到她，並遞上新碟索簽名，她會送上大利是，她說：「始終都係緣分嘛！除咗大利是，我仲會送上香吻添！」