玉女歌手江若琳（Elanne）昨日與丘凱敏出席虎年新春活動，並由堪輿學家吳佩孚及潘紹聰分別以中、西方法預測運程，兩人指Elanne來年事業運理想，令她心花怒放：「師傅話我有條『自我奮鬥成功線』，幾個師傅都話我呢十年事業運好好，仲話『豬仔』同『鼠仔』旺我。（緋聞男友陳柏宇同周柏豪都係喎？）佢哋係友情旺我！陳柏宇幾好，演唱會好幫手，但大家太熟喇！係好兄弟。」她希望趁「旺」勢努力發展事業，遠離是非。