徐淑敏（Suki）昨日出席公開活動，期間所屬的無綫經理人一度阻撓有線等部分媒體採訪，雙方有點火藥味，及後Suki經理人為息事寧人即場沙冧，更直認無綫雙重標準。在活動上，腹大便便的Suki透露女兒尚有七星期便出世，現時心情有點緊張，就連發夢也夢見分娩過程：「我依家仲未決定全身定半身麻醉，不過我一定唔會經歷十級痛，所以之後再生都會開刀，到生齊晒仔女就收工。」
談到老公Kenny早前與傳媒發生衝突兼吐口水，問到會否勸他不要太衝動？Suki直言認識老公初期他亦流口水，至於會否擔心老公講粗口影響胎教？她說：「佢冇喺我面前講過。（會唔會教佢EQ高啲？）唔敢講話教，不過咁大個人，發生事之後都會自己諗番嘅！」