吳君如和古天樂昨日到屯門市廣場宣傳新片《花田囍事2010》，被問到虎年是否再造人及做新娘，她說：「順其自然，接咗兩套戲，初八同古仔開工，有一套係陳可辛監製，結婚擺酒好煩。（學李心潔包個島結婚？）我邊有錢？包個恨到（島）、執到（島）、狗仔隊去唔到（島）咩？（陳可辛想拉布唔結婚？）好呀！搞大個肚先結！我同佢合作實嘈交，佢氹其他演員好婉轉，對我就好簡潔，今次我事先聲明咗工作還工作。」

君如和古仔在現場大派揮春，甚受巿民歡迎。	放大圖片	君如挽着古仔手臂，小心翼翼落樓梯。

古仔盼收「無言感激」利是

古仔對於《72家租客》鍾嘉欣一打十情節被指抄襲《花》片，引發「抄襲/致敬」之辯，古仔亦「抄襲」早前有傳無綫藝員客串《72》獲酬「無言感激」利是一封，以示「致敬」，他說：「我哋套戲所有演員都落力宣傳，有啲留港、有啲出埠，大家分工合作。（想黃百鳴點獎勵？）只要收到黃老闆一封寫住『無言感激』嘅利是已經好夠。（用「無言感激」回敬《72》疑似抄襲？）創作冇話抄唔抄襲，觀眾睇得開心就得。」