05/02/2010

播放本新聞相關短片

鄧紫棋自爆多人約

對於被女性選為最理想女性情人第二位,Angelababy表示非常高興,並多謝大家的支持,而她亦會繼續努力。但Baby卻謙稱並非好情人:「依家成日要香港、日本同內地三邊飛,冇時間拍拖,況且我會將事業同家人排第一、二位,做情人絕對唔合格。」雖然Baby無暇談情,但若將來遇上Mr.Right,亦會對男友非常專一,她笑言如果對方不用日日見面,她都會是好情人。

至於G.E.M.(鄧紫棋)得知被男性選為最理想情人第二位時,她即時大笑說:「咁樣即係代表我受男仔歡迎,確實最近多咗桃花。(有冇啱心水?)都要識多啲朋友先。」自封「宅女」的她平日只愛睇戲,但承認可能自己「細細粒」在街上才有較多異性留意,她亦喜歡聽男Fans的甜言蜜語。

G.E.M.前日出席活動時,提到緋聞男友狄易達表示情人節不會約她,她反駁說:「係我拒絕咗佢(狄易達)先啱!」她又自爆情人節多人約,承認當中有圈中人,但她表示當日都會與家人共度。