昨日公布由網友投選的「雅虎香港網民情人節調查結果」，即將於四月與鍾欣桐（阿嬌）在紅館開騷的Twins成員蔡卓妍（阿Sa），同時榮登男、女網友投選「最理想女性情人」冠軍，男網友喜歡阿Sa性格開朗、笑容滿面，而女網友愛她形象正面和擁有甜美外表。男網友投選「最理想女性情人」中，G.E.M.和周秀娜分別得亞軍和季軍，而女網友則選Angelababy和林依晨為亞軍和季軍。

阿Sa與阿嬌經歷不少難關，被讚有情有義。

鄭中基與女友拍拖近六年，愛得彽調。

愛另一半孝順有才華

身在北京工作的阿Sa知道賽果後，興奮大叫：「嘩！好驚訝又驚喜！女仔認為我冇威脅；男仔揀我因為女朋友唔會詐型！我諗網友鍾意我，唔係想同我做情人，而係覺得我成日笑，鍾意同開心嘅人一齊！」她對拍檔阿嬌有情有義亦是搶分主因，阿Sa豪氣地說：「做朋友梗係咁㗎啦！」但阿Sa卻自爆非完美情人：「事實可能令大家失望，其實我係一個工作狂，好鍾意工作，又好享受其他生活，例如同朋友、家人嘅生活，愛情放到好後。（男友是否經常投訴？）都有㗎！」

阿Sa與鄭中基04年拍攝電影《追擊八月十五》撻着，兩人不時流露甜蜜之情。阿Sa坦言是一個容易滿足的人：「我其實好幸福，容易滿足好緊要，而且愛自己多啲，識得愛自己，人哋先至會愛你，對情人要多啲寬容，少啲執着。」至於理想情人條件，與鄭中基不謀而合：「勤力、有上進心，當然孝順同埋有才華，有內涵、外表唔重要，當然個樣唔可以太過偏差啦！」