李心潔與彭順拍拖七年，靜極思動鐵定後天假馬來西亞小島舉行婚禮，廣邀圈中人包括郭富城、張艾嘉及楊采妮等飛往當地觀禮。一對新人早已飛抵當地準備，新郎哥昨日接受長途電話訪問，自爆打算婚前大搞意外驚喜氹老婆：「我靜雞雞拍咗條片，仲自己做埋男主角，諗住正正式式求婚，畀個驚喜佢，希望到時佢好感動啦！」
由於早已送了鑽石，彭順坦言會在婚戒方面搞搞新意思：「用石砌成嘅，訂造需要一個月，總之款式好特別，到時記得留意吓！（禮服呢？）呢樣心潔負責，我到依家都未見過。」而愛心爆棚的心潔，三、四月左右將往印尼作慈善探訪，彭順打算趁機度蜜月，相信會令旅程更添意義！談到生育問題，他說：「都要等心潔完成埋手頭上嘅工作先，佢嚟緊有舞台劇要演。」