傅穎（Theresa）昨日出席商場新春布置開幕儀式時，自爆日前到澳門工作，回程時遺失新款手機，失竊過程不足2分鐘：「我坐豪華位，已經最後一個落，衝番去搵，啲職員已經話冇，個電話好緊要，有好多藝人朋友嘅電話，我已經報咗警，希望執到嘅人拎番上星皓，重酬！」她自責因暈船浪才會大頭蝦遺失電話，非常傷心的她表示不願再買新電話，惟有暫借用同事的舊手機。

恨搵專一男友

此外，Theresa坦言已單身了一段日子，希望在虎年尋得愛侶，還公開求愛，她說：「今年想有男朋友，但可遇不可求，自己要求唔高，最緊要錫我同專一，依家好似（對拍拖）信心唔夠，啲男仔好似唔係好專一！」問到是否因前緋聞男友台灣組合棒棒堂團長敖犬緋聞多，令她感到失望？Theresa說：「敖犬係朋友，同佢有聯絡，係工作上合作過嘅朋友，如果真係同佢拍拖，實成日飛來飛去啦！你哋冇可能唔知！」她又表示母親相約親友外遊，預計「初一情人節」會抱着家姐及細佬度過。

另外，曾有傳Theresa去年因甩底無綫收費台工作，兼自拍工作片供有線獨家播，而得罪無綫遭封殺，在最近四大唱片公司與無綫失和期間，Theresa保持中立態度表示，與無綫仍有合約，是否續約則交由新公司決定。