樂壇天后容祖兒為紀念入行十周年而推出EP《Joey Ten》，限量版Boxset附送的禮物又多又特別，因而掀起炒風，昨日有唱片舖將原價480元的限量版Boxset炒至1,288元，認真誇張！
祖兒對此感動地說：「平裝版九款封面已經搞到歌迷好頻撲，以為集齊九款推出Boxset送埋禮物會好啲，點知掀起炒風，有歌迷話買嚟做拜年手信。（加推再版？）唔會，成本太高，亦唔想辜負以炒價買入嘅歌迷。」
祖兒決定向高價買碟的歌迷派大利是答謝，她笑說：「農曆新年至初七，歌迷如果手持《Joey Ten》Boxset拜年而撞見我，我會派大利是畀佢，內容係『神秘』！數量有限，萬勿錯過！」她還表示星期日舉行簽名會後，便往內地出席春節晚會，並於大年初二返港繼續工作。