鄧紫棋（G.E.M.）天生美人胚子，自小眼大大、嘴細細，故父母經常為她拍攝不同造型的靚相，G.E.M.扮過公主，又試過扮型格牛女，她自豪地說：「好開心由細到大個樣都冇乜變，爸爸、媽咪好鍾意幫我影相，我諗有200幾張童年相，而且仲有拍片添！」G.E.M.打算把影片製成DVD，方便日後上載至網上與歌迷分享。
G.E.M.的童年短片以天才表演為主，至於她的外婆是教師，故很注重孫女G.E.M.的中文水平，經常要她學生字及背唐詩，她說：「我好細個已經識好多生字o架喇！」她又表示父母家教嚴，兒時已訓練她明白紀律的重要性，故當年她比同齡的小朋友更乖、集中力更強：「我未返學已經喺屋企扮返學，每日都要同婆婆講：『我返學喇！』之後先可以出去玩。媽咪又訓練我自己孭書包，唔好太過依賴，所以我第一日返學嗰陣，唔似其他小朋友咁因為見唔到媽咪而大喊，如果將來有囡囡，我都會咁訓練佢！」