傅穎（Theresa）、李玟及賭王何鴻燊四太梁安琪等，前晚到澳門出席米高積遜珍品廊開幕，身穿BCBG綠色連身裙的Theresa，罕有地谷胸上陣：「今日係盛事嘛，如果着Top打底會好奇怪，所以大膽啲！」她又表示抗拒真空，亦不考慮戴缽仔糕：「我驚托咗會好肥，唔需要喇，我係適中！（鍾意小籠包Size？）夠喇！太大唔啱我！」至於李玟則與《全英一叮》參賽者Shaheen Jafargholi合唱米高積遜的歌曲，並透露於下月27日在台灣舉行巡迴個唱首場：「到時我會公布婚期，不過我唔知邊場o架，大家場場都嚟睇啦！」
傅穎以一襲綠色BCBG低V連身裙配襯長耳環，增添不少女人味，手上則戴上從日本購買的彩色珍珠手鈪，令造型更加嫵媚。