張學友昨日到新城電台宣傳新碟，對於港台重提研究統一頒獎禮的可行性，學友大表支持：「即使提出都值得開心，有呢個諗法講出嚟已經係有承擔同勇氣。」他亦有感當年提出時可能時機未成熟：「成個大環境變咗，歌手靠出碟搵食係餓死，喺依家冇咁大利益衝突下係咪得呢？幾時做到都係好事。」
不過，新城知訊台台長（音樂及娛樂）朱明銳則當住學友面唱反調，更怒轟港台「扮大佬」搞挑釁：「作為公營機構咁做係對商業機構唔公道，太過分，新城絕對唔支持，絕對唔使傾。」至於四台聯頒則有待事態發展再傾。至於港台金曲總監馮偉棠則反駁朱明銳說：「邊度唔公平先？呢個係終極意願，我哋一定會主動搵佢哋傾。」
香港樂壇正陷於低潮，學友覺得是歌手及唱片公司的責任：「想成件事好，電視台真係重視音樂節目，就唔好亂剪、亂刪歌曲，當然仲有公民教育，唔畀錢攞人啲歌，呢個習慣係好肉酸。」