泳兒

唔係啩！聽到驚驚哋，我一個月返幾次內地登台，試過有次五、六個Fans上台攬住我，驚到O晒嘴。（點預防？）唔好咁性感，反應要快，有事即走。

古巨基

吓！唔知件事真定假，希望唔係真，希望佢冇事，我冇試過類似情況，不過有次喺內地體育場唱歌，好多人圍住我架車，推到飄移仲凹晒。

梁詠琪

平時返內地登台，公司都有請保安，助手仲會貼身照顧我，所以冇遇過醉酒鬧事，自己喺台上都會小心啲，留意現場環境。

吳國敬

Edmond見慣呢啲場面，應該冇事，我都試過內地登台時有人醉酒鬧事，攞住一斤燒肉上台叫我食，唔食就唔畀出門口。

吳雨霏

我都多上內地做酒吧騷，每次有三、四個男同事保護，如果遇到醉酒鬧事會即刻停止唱歌，等酒客情緒冷靜先繼續。