向來與陳豪被視為一對的廖碧兒，最近有傳陳豪以咖啡攻勢冧掂連續合作兩劇的佘詩曼，廖爸爸看不過眼入電視城找陳豪講數，碧兒昨日出席頒獎禮，被問及此事時強調爸爸不會搵人傾偈，但承認有聽過陳豪、阿佘的傳聞：「當係娛樂啦！我又唔喺度（拍劇），總之大家開開心心。（由得佢哋兩個一齊？）冇所謂，我同陳豪不嬲係朋友。（唔睇實男友？）冇男友點睇呀！我呢排見《72家租客》嘅同事多過其他同事，連狗仔都冇時間睇呀！」
問到陳豪的咖啡攻勢是否強勁？她淡然地說：「唔知，佢會整好多返公司畀人飲。（呷醋？）唔會，我自己整蛋糕都畀同事食，屋企保安員都有份。」
另外，前晚碧兒出席由王仁曼獲芭蕾舞界最高榮譽的慶祝活動時，被問到情人節送甚麼禮物給陳豪，她笑謂應由男仔氹女仔，談到陳豪與阿佘撻着，她說：「係真嘅會替佢哋開心。」
不過陳豪昨日回應跟阿佘的拍拖傳聞，他笑說：「得啖笑。（話廖碧兒爸爸審過你。）只係喺街度撞到，大家Say過Hello啫！（請阿佘飲咖啡？）我成日都請人飲。（同阿佘究竟依家咩關係？）同事。」