將於下月22日至4月18日舉行的《第6屆香港影視娛樂博覽》，梁朝偉以香港影視娛樂大使身份於昨日出席記者會。談到電影《一代宗師》的拍攝進度，他透露大隊正拍攝趙本山和章子怡的雪景戲。問到有關章子怡戲份被刪剪的傳聞，他說：「呢啲都係是非，我諗唔會，導演唔會隨便改戲份。」盛傳章子怡飾演其太太，但偉仔表示不知，卻透露韓國女星宋慧喬將參與演出：「當年《2046》韓國首映見過佢，好期待同佢合作。（鞏俐有份？）我都係聽聞，但未見到佢。」他表示農曆新年不會出埠，問到情人節怎過，他說：「都係嗰啲啦！食飯咁。（咁行貨？）咁不如你提議吓，指教吓細佬嘞！（送咩？）唔使嘞啩！最Classic係送花同卡啦！」問到有關懷孕傳聞，他反問：「邊個呀？（你老婆呀！）梗係唔係！」另外，在第四屆亞洲電影大獎中，張藝謀榮獲「亞洲電影傑出貢獻大獎」。