近期頻頻曝光的鄺敏慧（中巴）昨日出席《挪威三文魚─情人節花之戀大使》委任儀式，大會送上99件花之戀壽司當作節人節禮物。問到單身的她情人節會否分外孤單？她說：「有屋企人陪，會喺工作中度過。」對於有指她的身價由昔日數千元上漲至三萬元，她否認：「我冇聽過，公司有同我報價，總之唔係三萬。（仲係收幾千蚊？）我唔清楚。（你話公司有向你報價？）開頭有報價。（今次活動收幾多錢？）唔清楚。（可能有三萬？）應該唔會，我諗盤壽司都值三萬。」另外，仍未復工的崔建邦被指由陳志雲介紹認識富商Paul Poon，年底有機會返新工，崔建邦舊愛唐詩詠昨日在電話中斬釘截鐵說：「唔會，佢終身賣畀TVB！」早前中巴表示崔媽媽不喜歡兒子以前的女友，詩詠說：「I don't care.（你識唔識崔媽媽？）點會唔識？但私事唔講。」