曾與太太演出以爭產案為題材的舞台劇《蛇鼠一窩》的詹瑞文，得知判決後說：「相信香港人都覺得呢個結局好正路，就係睇吓有冇峰迴路轉啫！不過爭產案一定有好多內情，法庭雖然係判咗，但係點解啲相會咁影冇人知！陳振聰個劇本超差，演技就大家都見到，不過嚟緊會唔會再被起訴就要等睇後傳喇！」

李彩華曾參演拍攝被指影射龔如心生平的劇集《火蝴蝶》，她透過經理人回應：「戲劇還戲劇，案件歸案件，係兩件唔同嘅事！案件方面，相信法庭有佢哋嘅判決，自己係局外人唔方便評論！」

杜汶澤說：「我最關心嘅係個基金往後可以幫到幾多人，因為個數目都幾龐大！希望龔如心細佬能夠用番『天地有正氣』嘅『正氣』兩字去處理筆基金，令到有需要嘅人得到幫助！」

羅家英說：「我唔清楚件事，都好難講！呢啲嘢公說公有理，婆說婆有理！其他人好難評論！」