就陳振聰爭產案判敗訴，向來敢言的袁彌明（Erica）坦言裁決相當合理：「正如龔如心細佬話齋，呢個判決真係公道自在人心！完全唔知陳振聰同龔如心咩關係，就話陳振聰有晒龔如心嘅全部遺產，好難令人信服！仲有，我知龔如心本身有個基金，所以我覺得份遺囑冇理由少少都唔留畀個基金，又或者冇理由一啲都唔留畀屋企，真係好值得質疑！」
雖然陳振聰在庭上堅稱與龔如心是情侶關係，但Erica卻對此抱保留態度：「有幾張合照就話自己同龔如心係情侶，唔夠實質，感覺上有啲自說自話！」
由於案件已擾攘多時，故她希望事件盡快告一段落，並勸喻陳振聰勿再上訴：「因為真係好厭，我唔想再睇關於呢單新聞嘅嘢，佢哋係情侶又好、唔係情侶都好，我都唔想知！」