麥浚龍（Juno）與謝婷婷昨日出席Nokia迷你手提電腦發布會，Juno的右耳包着紗布，他解釋早前拍攝電影《剖術者》時被假斧頭劈中：「軟骨有瘀血，要去醫院放血，如果唔整軟骨會變形！放血之後，軟骨位同塊皮有啲空隙，要用棉花塞住再用紗布包住，兩日後可以拆紗布！」他指醫生建議做手術，但他要配音及補戲沒有時間，只好抽瘀血！問到有沒有停工？他說：「冇喎！因為當時冇流血，只覺得好熱同紅，好似豬耳咁！」

Juno表示拍該片已受傷無數次，問到是否有很多打鬥場面？他搞笑地說：「套戲唔多打鬥，係我畀人打多，我覺得自己有少少似被虐待狂，鍾意儲傷口！（咁講保險公司會唔會唔受保？）咁當我冇講過！」農曆新年將至，他表示大年初一會與家人食飯，問到會否約緋聞女友鍾欣桐（阿嬌）？他說：「隨時都可以，唔一定要特別日子！（有傳佢係茅山師傅契女？）唔知，唔會畀意見，亦冇聽聞！」

婷婷樂做跟得女友

另一邊廂，對於被取笑是安志杰的跟得女友，婷婷竟說：「係呀！不過我嚟緊唔會跟，因為有嘢做！大家協議咗邊個得閒就陪邊個，因為做呢行見面時間唔多。（周圍去好辛苦？）唔會！當環遊世界囉！可以同佢一齊已經足夠！」