英皇藝人陳偉霆、泳兒、鍾舒漫、鄭家維、洪杰及洪卓立，昨日到保齡球場拍攝無綫娛樂新聞台賀年節目。現場所見各人球技一般，有點雞手鴨腳，陳偉霆坦言強項是滑水，但笑言不會藉運動結識異性：「入行後識女仔都困難，平時同異性朋友出街都只係睇戲，因為場內黑麻麻冇咁易畀人影到。」對於緋聞女友Angelababy籌備買千萬豪宅，他表示全不知情：「佢冇講過！（以前商量過？）供樓呢啲要係結咗婚先買畀太太囉！（佢有資格？）大家都係朋友啫！（諗過昇華？）冇！（Baby話等成熟男出現？）我未夠成熟同穩重，呢啲要過咗三十歲。」

開兒童跳舞學校搵錢

同時，陳偉霆透露有意買七位數字的樓宇孝順母親，理想地點是中環山頂區：「因為咁所以每日影印個期表，一見有空位就叫經理人畀工作我，好撈。」他並透露籌備開兒童跳舞學校，希望增加收入！

洪卓立（右起）、陳偉霆、泳兒、鍾舒漫、鄭家維及洪杰拍攝賀年節目。	泳兒穿上高踭鞋打保齡，顯得雞手鴨腳！	鍾舒漫擺出靚靚甫士，唔打得都睇得。

另外，鍾舒漫表示求學時期曾到溜冰場，獲現場工作人員教溜冰及向她索取電話號碼：「諗番起佢都靚仔，但我當然冇畀，錯過咗。」對於有傳鍾欣桐是茅山師傅的契女，鍾舒漫和泳兒齊聲表示不相信也沒有聽過。