阿Sa昨日在apm出席adidas活動，第4年擔任代言人的她，坦言酬勞很滿意，並說：「廣告商贊助好多衫，嚟緊嘅國語碟，都會着adidas未出街嘅衫。（贊助埋朋友？）朋友自己問。」記者笑指鄭中基（Ronald）都是Artist，唔使問，阿Sa只重複說：「自己問。」問到是否接受情侶裝，她說：「我接受唔到一模一樣嘅情侶裝，咁出街好難搞，只接受到同阿嬌（鍾欣桐）一模一樣！」

阿Sa被追問「愛的紋身」即搞爛Gag，講完不禁尷尬傻笑。

阿Sa以刁鑽甫士示範新裝，活力十足！

尷尬自嘲無聊

不過，她承認曾用情侶銀包，問到現時是否仍使用，她說：「好耐世紀啦！（情侶紋身呢？）我冇紋身，我淨係得雲吞。」由於有傳Ronald將她的英文名「Charlene」紋在手臂上示愛，一直不肯證實傳聞的阿Sa無力招架，回答時一臉尷尬，還學Ronald搞爛Gag，難怪她語畢即自嘲說：「好無聊呀！」

另外，有報道指阿嬌是茅山師傅歐陽國富的契女，阿Sa力撐好姊妹說：「呢件事好嚴重，大家唔好用娛樂心態看待，聽吓正常人講嘢，正常人都話冇。（信阿嬌？）冇聽佢提過！」