羽翹前晚出席電影《心動奇蹟咪咪知音》慈善首映，她笑稱不適合養寵物：「我養咩都死，試過養龍貓咬電線電死咗！（男友送過寵物畀你？）試過，佢仲將條魚改埋自己個名，點知第二日條魚死咗！」她坦承可能不懂照顧寵物才發生悲劇：「本身我有隻貓，冇時間照顧送咗畀朋友！（情人節點過？）對我呢啲冇情人嘅嚟講，呢日係鬼節，到時我喺澳門做嘢。」同場的馮寶寶將籌得的十六萬救助海地居民善款支票移交紅十字會，她透露丈夫的女兒誕下BB，農曆新年會到馬來西亞慶祝滿月，她自言是掹車邊做阿婆，但不會催兒子結婚。