謝婷婷、謝雪心與應屆港姐劉倩婷、李姿敏及袁嘉敏，昨日出席《保良慈善步行》活動，期間婷婷透露上星期與阿嫂張栢芝食飯，大讚腹大便便的栢芝精力充沛，婷婷說：「佢好健康，仲好精力十足咁湊Lucas，十足十Superwoman！佢一隻手湊Lucas，一隻手做其他嘢。（知唔知栢芝佗嘅係仔？）冇話要仔定女，哥哥話最緊要健康，生一打都冇所謂，其實我都好鍾意小朋友。（咁你打算生幾多個？）This Moment唔會生，可能未到想生仔嘅年齡，所以企硬唔生。（男友安志杰鍾唔鍾意小朋友？）見到細路會玩，但係我哋冇討論過生小朋友問題，佢話佢都係細路仔！」

應屆港姐袁嘉敏（左起）、李姿敏及劉倩婷結伴出席活動。

栢芝再佗B仔，但婷婷卻踢爆霆鋒仔女都喜歡。資料圖片

貪靚瘦身 男友詐型

另外，婷婷又透露為上鏡有更美好身段及更漂亮，故近日刻意減肥，雖然對現時身形大感滿意，但男友卻投訴她太瘦。