楊千嬅前晚在頒獎禮僅獲兩獎，但她表示滿意：「我準備好心情去北京宣傳新片。（生日冇得同老公過？）慣咗天上過生日，除非佢畀驚喜我！（有報道指你公主病？）幾廿歲人仲公主？我攬老公好出奇咩！寫我山寨王咆哮仲好！（避免公開親熱？）咁咪寫我哋貌合神離囉！」另外，千嬅日前到中環工作，當記者上前拍照時，她即收起笑臉。
另一邊廂，丁子高昨日出席慈善步行活動時說：「我唔覺千嬅有公主病，有都係我縱嘅！（又關你事？）佢係我公主嚟嘛！我成日整蠱佢，一見佢呆滯就會搣佢！（有指千嬅走音？）佢哮喘好慘！唔係走音，係唔夠氣，我有煲湯佢飲！」
