回顧樂壇四大頒獎禮，容祖兒、蔡卓妍（阿Sa）及陳奕迅都打扮得有型省鏡，但數「最突出衣着獎」實非王菀之（Ivana）莫屬，事關她每次都令觀眾驚喜萬分。《Ivana's Fashion Month》在去年底《勁爆》中，以全身包到冚的她以密實造型揭開序幕，緊接元旦舉行的《叱咤》，Ivana以內衣外穿配立體花花帽，被指「恐怖嚇人」似村姑。後來於《勁歌》中以白色吊帶裙亮相，卻被批評似伴娘，高腰設計如大肚裙。至前晚她以黑色透視裙出席《十大中文金曲頒獎禮》，連阿Sa也忍不住大讚其身材「好犀利」！Ivana笑說：「阿Sa話我彈琴嗰陣咁啱有部攝影機影緊個Top Shot，我掛住彈琴冇睇螢幕，我諗佢都係太誇獎我喇！（着多啲性感衫？）要睇場合，好多謝大家嘅意見同讚賞！」
