樂壇天后祖兒前晚於《第三十二屆十大中文金曲頒獎禮》捧走「四台聯頒傳媒大獎」，事隔多年再次將傳媒大獎抱入懷中，她以重遇舊友形容心情：「撞正入行10年，好似一個圓滿句號，開始新一頁，最希望樂壇風雨完結！」至於曾笑言要將勁敵Eason踩扁，她哈哈大笑說：「只係劇情需要，製造緊張氣氛啫！其實我好想同Eason一齊攞！」為慶祝成績優異，她透露已碌爆信用卡自我獎勵。完成訪問後，祖兒更到紅館外與歌迷開香檳慶祝，然後再與眾英皇歌手開餐慶功。

祖兒（左四）成為樂壇大贏家，完騷後與一班英皇歌手慶功。

祖兒與粉絲開香檳慶祝，相當親切！

「下年再努力啲」

至於失落傳媒大獎的Eason心情仍大好，更抵死地取笑祖兒「唔夠勁」：「我攞過咁多年，記得往年氣氛好勁，佢總共攞幾多個獎？19個咋！我其中一年攞21個啦！」更向身後的祖兒「示威」說：「年輕人，下年再努力啲啦！」

祖兒奪大獎，老友Eason亦舉拇指讚好。

Eason失落傳媒大獎，不禁變「寸嘴」，搞笑成分居多。

因節目涉及「廣管條例」，無綫前晚被迫足本播放整個頒獎禮，身為四大唱片公司歌手的Eason能破例在無綫唱歌，他抵死地「多謝TVB」：「相信幫到收視，多謝TVB！（多謝啲乜？）今年冇機會講吖嘛！」至於盛傳將於本月亮相亞視，他表示未知何時約滿無綫，問到可擔心得罪無綫？他說：「我擔心油錢多啲，亞視喺大埔好遠！」另外，一班歌手於後台大合照時，Eason與謝安琪並排而站，全程有講有笑，未有受是非影響！

而大會總監馮偉棠與製作總監周國豐被問到分配獎項是否大傷腦筋？他們說：「賽果係觀眾投票，唔係分！」由於港台是下屆頒獎禮召集人，他們表示港台會着手於4至5月研究四台合辦頒獎禮方案，最重要處理好商業因素。至於會否演變成「七台聯頒」？他們說：「到時先算，依家未成氣候，有啲傳媒未夠代表性，總知『聯頒』最後得唔到共識，一切都會照舊，都預咗條路好艱辛！」