熊黛林（Lynn）日前率領公司STYLE旗下模特兒包括Angelababy、姚予晴、劉丹及周汶錡等，出席公司假北京舉行的周年派對。雖然一班美女打扮得性感高貴，但仍不及向來「守身如玉」的Baby一招失守「養眼」！Baby與一班名模排排坐合照時，因要讓位而不斷移坐，雖已用手掩着裙腳免走光，但仍不慎露出褲身較長的「阿婆底褲」！同場的名模于笑也被「感染」而蝕晒「底」！去年工作多多的Baby被問到是否達成買樓目標？她說：「買到就買到嘅，但樓價仲係好高要等吓先，而我指『買到』係指畀首期咋！目標係希望買到八位數字嘅樓，人望高處，咁會令我更加努力工作。」

熊黛林與經理人即場咀嘴，賀公司周年紀念。

周汶錡性感出席，可惜不及「蝕底」的Baby搶鏡！

擇偶唔要太細路

Baby還透露風水師指她今年旺桃花：「桃花令人緣好啲，希望多啲人鍾意我。（有人追呢？）如果啱嘅話都會考慮。（擇偶要求？）最基本要就到我成日飛嚟飛去，唔可以太細路，呢行好多是非，要有好大容忍先得。（陳偉霆夠成熟？）我哋係朋友，朋友成唔成熟我唔知道。」

另外，最近參演新片《我的野蠻女友2》的Lynn自言，拍拖時從未郁手打男友，問到城城是否疼錫她？Lynn說：「身邊啲朋友都好錫我！最任性時會刻意同人唱反調，依家大個咗就唔會。（搵城城排戲？）唔可以搵身邊朋友試，我會發唔到脾氣，要真係拍先發到。」同場的姚予晴則自爆花了一千元人民幣購物，包括過年時所穿的「紅底」：「我買埋畀男友！打算逼埋佢着一齊旺。」