對於超蓮與男友Jeremy打得火熱，並蜜遊日本「預支蜜月」，Jeremy近日更在Facebook中以「已訂婚」來宣示主權，超蓮姊姊何超雲及三太均表示對Jeremy印象不錯，看來Jeremy的「女婿」地位已得到何家肯定！超雲昨日接受電話訪問時說：「我唔知佢（超蓮）有冇帶畀Daddy睇，但係我有見過Jeremy，佢斯文又有禮貌！我相信妹妹嘅眼光，佢咁大個人識得揀！（如果畀妹妹爬頭結婚？）如果佢爬頭，咁就恭喜佢啦！」對於個人感情生活，超雲表示隨遇而安，但否認眼角高：「唔可以咁講！有時有人追未必係自己鍾意！」
另外，三太陳婉珍透過助手回覆，表示知道超蓮曾到日本旅行：「唔係佢哋兩個去，係好多人陪佢去！」至於早前揚言大學畢業後會火速結婚的四房長女超盈，至截稿前仍未回覆。