前晚韓君婷以低胸Tube Dress出席品牌M.C.L by Matthew Campbell Laurenza於置地廣場開設的專門店店活動，原來她與品牌首腦兼設計師Matthew Campbell Laurenza認識多時，非常稔熟，難怪願意「借出」白滑胸口讓對方簽名留念，還笑言晚上不會洗澡，她笑說：「我暗戀咗佢好耐！已經做晒主動，問可唔可以做佢女朋友，但佢唔制。（佢唔考慮女仔？）你哋諗吓啦！」她坦言對方英俊又有才華，是白馬王子類型，又透露自己現時有追求者，可惜不是她的「杯中茶」。她又表示想生BB：「但係搵個同我生至得，總之男人同BB兩樣都恨。」

早年患上厭食症的她，近年身形未見長肉，她卻表示醫生指她進度良好：「今個月我都重咗兩磅，總之幾重唔重要，醫生叫我唔好同藝人比較，同普通人比較就差唔多。（醫生叫你食咩增磅？）冇話特別食咩，我出嚟之前都食咗碗粥。」

與男伴夜蒲投契

此外，前晚出席活動後，韓君婷與好友戴妮廷等到蘭桂坊消遣，期間與一名男友人甚為投契，不時細聲講大聲笑，又經常「咬耳仔」及碰杯飲勝，及後她發現記者，即拉着戴妮廷拍照，還做出勝利手勢，一行人逗留至凌晨才離開。