前晚Ronald出席公開活動，對於女友阿Sa早前表示若與他去旅行被偷拍，有意買回照片，他大方地說：「好吖！睇吓佢（指偷拍者）要幾多錢。」Ronald透露平時與對方出街都很小心，加上近年要拍戲經常兩地飛，故靠電話及短訊維繫。問到新年會否與阿Sa去旅行？Ronald說：「今年唔會喇！因為有嘢做。（情人節呢？）年年都有送禮物畀佢。」

對於有傳龐維仁入股金牌大風，他說：「唔清楚，公司遲啲會有交代，等佢哋講好啲。（黃柏高離開金牌大風？）冇聽聞，一年之前公司轉型傳出好多傳聞，等公司講啦！（你係CEO冇可能唔知？）我唔係CEO，有同爸爸傾偈，但好少了解呢啲事。（Paco走感可惜？）當然。」

急扯開話題

此外，阿Sa前晚出席容祖兒新碟祝捷會，透露有兩張法國來回頭等機票，問到是否與Ronald去旅行？她冧爆地說：「哎吔！依家講公司嘢，做乜講隔籬公司？」並拉開話題表示原本可與祖兒去日本旅行，可惜對方太忙沒有假，最後改與關智斌同行。