本文重點
最近傳出金牌大風獲富商龐維仁注資，龐維仁將帶同外國資金與一名女新人歌手加盟。去年6月，他曾與金牌大風老闆鄭東漢及數名外籍人士在福臨門聚會，昨被問到入股一事，他亦沒有否認：「遲啲有公布。（係咪下星期？）佢哋安排緊，遲啲會一次過公布！」金牌大風CEO陳輝虹則說：「好快啦！（佢係咪會帶一個新人加盟？）唔係。（聽講有外國資金？）總之日內會公布啦！」據說，與鄭東漢不和的金牌大風香港區主席黃柏高亦快將離巢。
直認與胡敏珊分手
此外，最近龐維仁與拍拖兩年的鐘錶界美女胡敏珊分手，更有傳女方已有外籍新歡，龐維仁說：「我哋唔係男女朋友都有一段時間啦！但仲係好朋友，會關心對方。」至於胡敏珊則指分手全因雙方理想及目標不同，至於外籍新歡是否真命天子？她說：「最緊要開心，好開心有呢個異性朋友！（同龐生分開可惜？）大家都有過快樂嘅日子，大家都係錫對方，都會互相關心，我新店開張佢都有嚟，唔係好朋友都唔會嚟啦！」
另一邊廂，金牌大風歌手鄧麗欣（Stephy）與吳雨霏（Kary）昨日以孖公仔造型拍攝VEEKO新裝硬照，頭飾被嘲似雀巢！Kary笑說：「呢個係步步高陞頭！」Stephy則表示最怕着情侶裝：「我試過喺無綫活動撞衫，搞到好狼狽，要搵同事去攞過件衫！」另外，Kary前晚在《SINA MUSIC頒獎禮》上得獎，好友楊愛瑾即上前擁抱祝賀。