張衞健（Dicky）昨日出席《志雲飯局》錄影，更與舊校友陳志雲齊穿校服受訪。對於好友許志安近日盛傳與舊愛復合，Dicky起初搞笑地說：「談情說愛嘅嘢自己搞掂啦！」及後再一本正經力證安仔與女友Michelle仍未分手：「嗰晚我都有去安仔度還車，佢女友都喺度㗎！我係好耐冇見Michelle，但有聽過佢把聲，佢哋冇分手！有時我打畀安仔，都聽到佢女友把聲喺側邊。」健仔及後又指安仔不可能與舊愛復合：「如果復合唔會約咁多人啦！」
至於無綫被指加薪幅度未及早前宣布之百分比時，陳志雲無奈地說：「應該人工低嘅加薪幅度會高啲，某啲高層冇得加，我都冇加好多年。」而無綫外事部副總監曾醒明則強調是次加薪並不是以百分比計算。
近日是非多多的無綫，昨日又被指《巾幗梟雄之義海豪情》因幕後離開而「爛尾」，對此陳志雲說：「篇報道我哋會畀律師睇睇，保留法律追究權利。我哋係有幕後離開，但爛尾一定唔會，呢個對我哋商業商譽有影響。」