郭晉安和歐倩怡昨日夫妻檔出席家居寬頻活動，對於日前有指歐倩怡睇脊椎科醫生補腰，為下一胎養身，她否認短期內再添丁：「做呢行腰骨容易勞損，所以睇腰都睇咗十幾年，唔關佗仔事。（係咪再追多個小朋友？）要兩、三年後嘅事，不過都係十五、十六，又想生但又唔想戒口，生完又要減肥。」安仔表示尊重太太，一切順其自然。此外，安仔透露夫妻檔酬勞十分滿意：「太太記性好過我，可以幫我講番我唔記得講嘅對白，又幫我襯埋衫。（幾時帶埋個仔嚟搵錢？）依家佢太細個，怕佢嚟到拆爛嘢！」