藝人最緊要外形夠搶眼夠Sharp，但是現時觀眾及網友愈來愈「精明眼」，稍有不慎即被網民批評。向來玩型格路線的吳雨霏（Kary），明顯對自己的身體每個細節都充滿信心，問她最滿意身體哪個部位時，Kary毫不猶豫地說：「我最滿意自己啲腳趾！因為有啲人可能腳甲唔靚又或者第二隻腳趾無啦啦長咗，但係我就冇，次次去親美容院修甲，啲姐姐都讚我啲腳趾靚o架！」
Kary更大談她的保養之道，除每日要塗護膚霜外，亦要定期做磨沙：「我大約每個月去一次，次次都會做磨沙去死皮，當然都要修腳趾甲，女仔對腳真係好重要，所以腳趾靚都好緊要o架！」Kary坦言最愛「目及」女士的長腿，問她圈中誰人的腳趾最靚？Kary說：「腳趾就梗係我啦！冇人靚得過我，如果腳就係莫文蔚，佢雖然唔係標準模特兒身材，但係佢個比例真係好靚，對腳又修長，線條好好、好吸引。」