今年26歲的Justin C.（張焯楠），充滿陽光氣息，有四年Modeling經驗的他直言視模特兒行業為跳板，渴望演戲能成為終身職業。Justin自言表演欲很強，在不少電影中當過大茄的他，曾被導演批評太搶戲，不過同時亦獲得賞識，他說：「有唔少導演都話我個樣亦正亦邪，做賊或者差人都得，角色可以好多變化，仲讚我有潛質！」

Justin透露，相士指他下月工作上會有轉變。

性格爽直的Justin，希望將模特兒行業作為進軍娛圈的跳板。

早前Justin有份參演英皇電影《綫人》，有幸跟影帝張家輝偷師：「我睇住佢由未埋位到喺鏡頭前嘅表現，真係360度入戲，好犀利！家輝同古天樂都係我嘅偶像，我對一啲努力捱出成績嘅演員特別敬佩！」

了解自己長短處

自言笑容最煞食的Justin表示，小時候的樣貌毫不起眼，直至中四摘下眼鏡時才開始被身邊人以「靚仔」稱呼，令他自信心大增！做事認真的他，對於自己在鏡頭前的效果相當有要求，甫見面即強調左臉比較上鏡：「做模特兒係應該對鏡練習喜怒哀樂表情，多啲觀察，搵出自己嘅長處同短處，會比較易掌握擺咩甫士有型啲，對拍廣告要展示自己最好一面有好大幫肋！」

最難忘廣告

Justin心目中最難忘的廣告作品，是年多前為電訊公司所拍的平面廣告，皆因他的肖像被印成巨型海報掛在紅隧出入口，Justin說：「真係幾難忘，之前影嘅平面廣告多數都比較小型，記得嗰時廣告牌一出，自己都有去影番張相留念，朋友都特登去睇支持我！」

張焯楠Profile

名字：張焯楠（Justin C.）

身高：178cm

興趣：捽碟、跳舞、踢波

公司：AModel

廣告：大家樂（TVC）、

　　　迪士尼樂園（TVC）、

　　　全城禁煙廣告（TVC）、

　　　PCCW（Print-ad）等