無綫味之天使的雜果賓治陳宛蔚，購買紅綠色的閃令令新袋迎接新年，迷信的她必備紫微斗數書：「屋企人一直對睇相、算命有啲研究，爸爸識八字，媽咪就感覺到靈氣、識睇相，最近有朋友為我用紫微斗數睇命盤，計到我以前嘅男友係咩生肖，我覺得超準，咁咪睇書學囉！我每日會帶一本出街，一路睇書一路研究吓。」
現時正值冬天，陳宛蔚亦會帶同暖手包周圍去，又會帶備糖果與人分享甜蜜，果然好Sweet：「我好鍾意食糖，又好鍾意請人食喎，每日帶唔同款出街，請身邊嘅工作人員食。」除了這些必需品外，在陳宛蔚的大袋中亦有很多藝人的必需品，如太陽眼鏡、化妝品及相機等，健談的她更會隨身攜帶電話充電器：「我好鍾意講電話，又有兩個屋企，成日要兩邊走，所以我會帶充電器出街，等我去到邊都唔怕冇電話講。」