要做模特兒首先要有高度，呢樣係天生，冇得強求，但係纖瘦身材就可以靠後天保養，所以唔少名模為 保持瘦削身材，每日都食好少，假如食多少少，可能要減番好幾日！小小So每次見到名模LisaS.都好羨慕，因為Lisa嘅食量一啲都唔細，但從來都唔會有肥肉。話說有次小小So終於忍唔住同佢講好羨慕，唔單止有個靚仔男友吳彥袓，仲擁有令女士羨慕嘅高瘦身材， 着咩衫都咁好睇。
Lisa就同小小So講，瘦可能同少食甜嘢有關：「我不嬲都唔鍾意食甜嘢，就連可樂都只係飲過一次， 嗰次仲係好奇之下先飲！不過我鍾意食鹹嘢，豉油係我最愛，每餐必定要有支豉油喺枱面！」