自稱茅山師傅的歐陽國富，藉「性交轉運」騙o靚模性交，被判囚81個月，有傳阿Sa與鍾欣桐（阿嬌）是他的契女，昨日阿Sa和楊千嬅等出席奧海城活動時，阿Sa強調：「想澄清從來冇契爺，只有兩個契仔，咁樣係好侮辱我智慧，算啦！佢已經得到應有懲罰，佢屋企人好唔開心，唔好喺人哋傷口上灑鹽。（鄭中基話信你？）根本唔會有人質疑我咁多年工作上嘅努力，成功唔係靠偶然，係靠努力。」

小方與鄧麗欣拖手合唱，否認分手。

放大圖片

小方否認帶女星轉運

對於方力申坦言認識歐陽國富，阿Sa說：「件事對社會、年輕人係一個警惕。（演藝界人士幫歐陽國富寫求情信？）一定、絕對、肯定唔包括我同阿嬌，根本唔識佢，大家可唔可以聽正常人講嘢？」而千嬅大罵歐陽國富行為離譜，不應幫他寫求情信。

此外，小方與鄧麗欣、吳雨霏等昨日出席手機活動，小方承認識歐陽國富，但不肯透露細節，他澄清：「我從來冇試過搵師傅改運同轉運，亦冇介紹畀人。（傳你帶女星見佢？）唔想再答，我從來冇帶人去轉運。（幫佢寫求情信？）冇。」

潮

千嬅身穿Max Mara灰色裙，腳踏YSL高跟鞋襯踩踭Leggings，灰色Tone行低調路線，比色彩繽紛的浮誇順眼，胸前大蝴蝶結吸引全場目光。