黃浩（Kenny）和愛妻徐淑敏（Suki）前晚往中環晚飯，與狗仔隊發生衝突，Kenny報警。記者昨日致電Kenny，他說：「佢哋偷影我冇所謂，但衝入餐廳騷擾就唔係幾好。早幾日我發現幾位《Face》男記者喺我屋企樓下等，對大肚Suki造成威脅，仲嚇親佢添！咁嘅採訪手法好無恥！」
據知，兩夫婦當晚欣賞好友鄭元暢的舞台劇，還相約短敍，因要等候對方，他先與Suki吃飯，卻被狗仔隊發現行蹤。滿肚怒火的Kenny坦言已透過律師申請禁制令，禁止該周刊記者出現在其寓所及附近私家路，最快明日有結果：「記者有好有唔好，點知有冇人會利用自己嘅身份嚟犯法呀？最諷刺係件事平息後，鄭元暢先打電話嚟問我喺邊，Suki就叫我去Join佢，叫我飲杯酒降吓火！」因Suki飽受驚嚇，兩夫婦昨日在愛巢休息，免得現身鬧市再被跟蹤。
