鄺敏慧（中巴）、Yumi及Melody等，昨日錄影亞視節目《財神到》。中巴玩遊戲時落敗，被林韋辰打Pat Pat，更被寸與崔建邦的舊情，但她並不介意：「接得個Job都預咗，我係專業嘅，會盡力做好分內事。（打得好痛？勾起傷心回憶？）少少啦！」中巴強調短期內以事業行先，堅稱暫未有異性追求。對於日前被本報記者拍得與男友人現身旺角街頭，她愈描愈黑說：「同行仲有一個女仔，但佢行開咗。（去邊？）截的士。（嗰度係行人專用區喎！）哦……佢行咗去另一邊囉！」