昨日劉欣宜以火紅色的性感賽車手造型，冒寒晒玉背和纖腰出席假高登電腦商場舉行的《激新視野Racing Day》活動，酬勞不俗，其父母亦到場打氣。她透露下周將錄音，準備8月出碟進軍樂壇，屆時會以少許性感形象示人，更會唱快歌及跳舞。

進修設計自食其力

劉欣宜自爆最近遇上不快事，原來有人在一個月內，兩度致電邀請她出席「飯局」：「佢話想約我出席飯局，仲暗示有下文，我聽到即刻Cut線，覺得好無奈，我唔會做呢啲嘢！（對方有冇話飯局價幾多？）五、六位數字啦！但我唔會去囉！連食飯都唔會去，我堅決唔賣身，搵我做騷唱歌就可以傾，食飯唔係我工作範圍。」

她自言本身有設計底子，現在也會進修增值，以備不時之需：「如果喺呢行發展唔好，我唔會賴死。況且屋企都可以Afford（負擔）到我嘅經濟，父母講過就算我冇嘢做，都唔會餓死，我會自食其力！」