曹格昨晚亮相無綫節目《超級巨聲》，獲Fans打氣，他在兩名助手陪同下受訪：「已經同咗屋企人聯絡！（冇搵側田？）冇，我換咗手機，冇佢電話號碼。（換手機遠離唔想見嘅朋友？）我先係人哋嘅豬朋狗友！好多朋友送上鼓勵說話，亦有人叫我戒酒，佢哋根本唔明我，要戒就戒醉，如果戒酒即係話酒係毒品！我會學習適可而止，今個月一滴酒都冇掂。（冇酒癮？）冇！唔想多講，寧願做個全新嘅曹格出嚟畀人睇，屋企人同同事會睇住、支持我。」