曹敏莉、張嘉兒與楊洛婷昨日為超級巿場新開張宣傳，她們盛裝上陣，再配襯贊助金飾。為隆重其事，嘉兒穿上數年前在加拿大買下的性感Low Cut裙，大騷Fit爆身形！提到情人節將至，嘉兒聲稱沒有男友，會與家人按習俗「攻城三日」：「我屋企有習俗係過年打牌三日。（發新年財？）我哋打好細，一、兩蚊，攞個意頭！」
另外，一副蜜運樣的曹敏莉，呼籲暗戀她的男士，要在情人節大膽示愛：「我好挑剔o架！示愛都要有心思，我希望有驚喜！（以前有個浪漫法國男友黃長興，所以慣咗要男友施冧功？）女仔梗係要男友氹啦！（要物質？）未必需要，最緊要有心思、有意義，自己咁大個女，知道邊啲要拒絕，總之我未收過人哋無緣無故嘅厚禮。」
